DBHko 4. mailako ikasleek zibersegurtasunari eta arlo honetako lan-aukerei buruzko hitzaldi bat izan dute ikastetxean. Lehenengo gaia Manu Viota Ertzaintzako Atal Nagusi, Ikerketa Kriminal eta Polizia Judizial operatiboko buruak eman du. Lanbide-orientazioaz, aldiz, Javier Dieguez Zibersegurtasuneko Euskal Zentroko zuzendaria eta Jadoko ikasle ohia mintzatu da. BCSC (ingelesezko siglak) 2017an sortu zuen Eusko Jaurlaritzak Euskadin zibersegurtasuna sustatzearren.

Ekimen bat jarri dugu abian Jadoko ikasle ohiek zein antzinako Compasionekoek ikastetxearekin lotura berreskuratzeko edo mantentzeko aukera izan dezaten. Taldearen helburu nagusia da gure ikasgeletatik igaro direnekin elkarlanean aritzea eta Jadorekin izan dezaketen harremana iraunaraztea. Egin zaitez JADO OHIA!

[INFO+]

Gugan Bagoaz proiektuaren baitan, konpetentzia sozio-emozionalak eta bizikidetza positiboaren inguruko formakuntza hasi berri dute Jadoko irakasleek. Egitasmo honen helburua da kontuan hartu beharreko gakoez sentsibilizatzea, ikastetxean bizikidetza positiboa sustatu eta gatazken eraldaketa baketsurako programa eratzerakoan. Lehen saioa garunaren funtzionamenduan (garun linbiko edo emozionalaren eta kortikalaren arteko erlazioan) zentratu da, baita gatazkaren eta emozioaren arteko erlazioan ere. 

JADO IKASTETXEAk, MATERNALYrekin (Erandioko amatasun klinika) batera, PANTAILAK KUDEATZEKO TAILERRA antolatu dugu otsailaren 2rako, 17: 30etik 19: 00etara.

Tailer hau 3 eta 12 urte bitarteko seme-alabak dituzten familiei zuzenduta dago, eta honako helburuak ditu:

Gabon hauetan, oparotasunaren kobazuloan, argitxo bat piz dezagun guztiok, maitasunaren, osasunaren eta umiltasunaren dirdiraz batera goza gaitezen.

Argi garbia piz dadila guztion bihotzean eta mundu zabalean festak zoriontsuak eta jasangarriak izan daitezen.

Eguberri on!

GABON POSTALA 2022

Sormen handia, irudimen mugagabea, kolore biziak, ilusioa… Hau guztia dugu gure ikasleek egin dituzten gabon postaletan. Lehiaketak utzi dizkigu bost irabazle: Aryam Díaz Antolín (Haur Eskola), Kattalin Posada Izquierdo (Haur Hezkuntza), Irune Martín Bastarrika (Lehen Hezkuntza 1-2-3), Haizea Pérez Fernández (LH 4-5-6) eta Irene Gómez Yagüe (DBH). Irabazleak hautatzea ez da erraza izan, ikasleek margoturiko postal ugari kalitate handikoak baitira eta merezimendu osoz lehiaketa irabaz zezaketen.

Joan den abenduaren 16an Erasmus+ jardunaldietara joan ginen, eta bertan Erasmus+ 2021-2027 planean akreditatutako zentroetako bat izateagatik aintzatespena jaso genuen. Gainera, hainbat tailerretan parte hartzeko aukera izan genuen, programan sakontzeko eta prestatzen jarraitzeko. 

Aurton ere, Jadon, Euskararen Nazioarteko Egunaren ospakizunarekin bat egin dugu, bi astez euskararen erabilera bultzatzeko Euskaraldia ekimenari amaiera emanez.

Taloa, euskal dantzak, musika tailerrak, euskaraokea, herri kirolak… Gure ikasleak programa zabal honetaz gozatu dira, eta Jado Tartangaren ekitaldietan familiek ere parte hartu dute. Zorionak guztioi Euskararen Nazioarteko Eguna ospatzen laguntzeagatik eta Euskaraldian gogotsu parte hartzeagatik!

Jadoko DBHko 4. mailako ikasleek Talent Womanen parte hartu dute. Nesken eta nerabeen artean, “STEAM bokazioak inspiratzeko eta sustatzeko emakumeen lidergoari eta talentuari buruzko foro handienetako bat dela” goraipatzen da bere aurkezpenean. STEAM proiektuak (ingelesezko sigletan) Zientzia, Teknologia, Ingeniaritza, Artea eta Matematika integratzen ditu.