Euskera

Haurreskolarako matrikulazioa ireki da

2021-2022 ikasturterako Haurreskolako matrikulazio-aldia apirilaren 12tik 21era bitartekoa da (biak barne). Semea edo alaba Jadon matrikulatu nahi baduzu edo informazioa jaso nahi baduzu, ikastetxearekin harremanetan jarri besterik ez duzu egin behar 94 467 25 58 telefono zenbakiaren bitartez edo inprimaki honen bidez.

Saint Patrick’s Day-ren ospakizuna

Gaur, martxoaren 17an, Saint Patrick´s Day ospatu dugu Jadon. Astean zehar bai tutoretzan bai zenbait saiotan ikasleek landu dituzte ekintza desberdinak irlandar kultura ezagutzeko.

Emakumearen Egunaren aldarrikapena Jadon

Emakumearen Nazioarteko Egunaren aldarrikapena Jadon ere entzun da martxoaren 8an. Zenbait ekintza eta hausnarketa tutoretzan eta beste arlo batzuetan egin dira egunean zehar gure ikasleak berdintasunean hezi behar ditugu eta. Urtero bezala, gure ikasleak Erandioko Udalak antolatzen duen ekitaldian egon dira. Aurton DBHko 4. mailako ordezkariak joan dira egun hau aldarrikatzera testu bat irakurriz euskaraz, gazteleraz eta ingelesez.

"Emakumeek zientzian parte hartzea" bultzatzen du Jadok

Jadoko ikasleek hainbat jarduera egiten dituzte otsailaren 11n ospatzen den Emakumearen eta Neskatoaren Nazioarteko Eguna Zientzian.

2015ean, UNESCOk egun hori ezarri zuen emakumeek eta neskek zientzian eta teknologian jokatzen duten papera aitortzeko. Erakunde honen arabera, berdintasuna "lehentasuna" da, eta, gaur egun, "emakumeek oztopoak dituzte zientziaren alorrean: munduko ikertzaile zientifikoen %30 baino gutxiago emakumeak dira".

BAKEAREN OSPAKIZUNA

Joan den ostiralean, jadotarrok Bakearten Nazioarteko eguna ospatu genuen.

Bakean pentsatzen dugun bakoitzean, gerrateak desagertu daitezela da burura etortzen zaigun lehenengo gauza. Ordea, bakea hori baino gehiago da. Bakea, elkarren artean ditugun desberdintasunak onartzean eta berdintasunak defendatzean datza; denontzat hobeagoak izan daitezkeen bizi-baldintzak bilatzea; persona tolerantea izatea; elkartasunean bizitzeko gai izatea; geure kideei laguntzea; natura errespetatzea eta zaintzea…

Matrikulazioa 2021-22 ikasturterako

2021-2022 ikasturterako matrikulazio-aldia urtarrilaren 18tik 29ra bitartekoa da. Semea edo alaba Jadon matrikulatu nahi baduzu edo informazioa jaso nahi baduzu, ikastetxearekin harremanetan jarri besterik ez duzu egin behar 94 467 25 58 telefono zenbakiaren bitartez.

Matrikula egiteko epea Haur Hezkuntzarako, Lehen Hezkuntzarako eta Derrigorrezko Bigarren Hezkuntzarako da.

Covid-19aren ondorioz egoera berezia bizi dugunez, aurten Ate Irekien formatua aldatu eta familia bakoitzarekin bisita pertsonalizatuak egiten ditugu.

Gabon postal lehiaketa

Urtero bezala, Jadoko ikasleek ikastetxeko Gabon postal lehiaketan parte hartu dute. Eskerrik asko guztioi parte hartzeagatik! Hona hemen irabazleak:

HE: Daniela Souto HE 1
HH: Elsa Ortiz de Cosca HH 5 A
LH 1-2-3: Uxue Caballero LH 3 B
LH 4-5-6: Xabier Losada LH 6 A
DBH: Dafne Cembranos DBH 4 B
IRABAZLE NAGUSIA: Luken Ramajo LH 4 B

Aupa artistak!!

 

euskaraldia, jado

Jado, Euskaraldiaz blai!

Zer izango zara, Ahobizi ala Belarriprest? Hortxe dago koska! Bihar hasi eta abenduaren 4ra arte luzatuko den Euskaraldiarekin bat dator Jado ikastetxea berriro ere.
Gaur egun irakaskuntzan betetzen da euskararen transmisiorako ezinbesteko papera berau irakatsiz, baina hizkuntzak ezin dira inolaz ere mugatu liburuetara. Ahoz aho ibili behar dira dantzan. Horregatik, Jadok, Euskaraldiaren aldeko apustu tinkoa eginez, bihar hasi eta abenduaren 4ra arte hainbat jarduera antolatuko ditu.

Orriak