Euskera

STEAM aintzatespen berria: Steam Reference School URREZKO maila

Edelvives Taldeko aditu-batzorde batek eta hainbat hezkuntza- eta teknologia-erakundek Jado Ikastetxea URREZKO mailako Steam Reference School gisa aintzatetsi dute, ikuspegi berritzaileagatik eta STEAM printzipioak hezkuntza-arloan eraginkortasunez integratzeko gaitasunagatik.

Jadoko laborategiak Udaletxe aurreko plazan

Emakume eta Neska Zientzialarien Nazioarteko Eguna ospatzeko, Jado Ikastetxean, jardunaldi berezia antolatu dugu Udaletxeko plazan. DBHko 3. eta 4. mailetako ikasleek Kultura Zientifikoa irakasgaian egindako esperimentuak aurkeztean zetzan erakusketa. Jadoko familiei, LHko lehen lau mailetako ikasleei eta, oro har, Erandioko bizilagunei zuzenduta zegoen.

Matrikulazioa 24-25 ikasturterako

2024-2025 ikasturterako matrikulazio-aldia otsailaren 7tik 23ra bitartekoa da. Semea edo alaba Jadon matrikulatu nahi baduzu edo informazioa jaso nahi baduzu, ikastetxearekin harremanetan jarri besterik ez duzu egin behar 94 467 25 58 telefono zenbakiaren bitartez edota inprimaki hau bete.

Lagun diezaiogun Erandioko Kabalgata Elkarteari!

Erandioko Kabalgata Elkarteak ia lau hamarkada daramatza Gabonetan Errege Magoak iritsi bezperan Erandioko haurrak ilusioz betetzen. Herriko kaleetan desfilea, gozoki banaketa, gutunen banaketa, txokolatada... Horrela, urtez urte. Orain lan eskerga hau eskertzeko aukera dugu. Erandioko Kabalgata Elkartea babestea proposatzen dizuegu, Hiri Hezitzailea Galaren III. ediziorako. Gala horrek, hain zuzen ere, bere balioengatik eta gure herriarekiko konpromiso sozialagatik proposatutako pertsonen eta erakundeen lana saritzen du.

Ongi etorri 2023-24ko ikasturtera!

Ongi etorri! Udako oporrak igarota, 2023-24ko ikasturteari hasiera ematera heldu gara berrindartuta. Aurrean ditugun erronkei ekiteko prest gaude. Eta elkarrekin egiteko borondatea ere badugu, ikasturte honetako leloak berak iradokitzen duenez: “Etxean zaude”. Jado Ikastetxea ongizate-gune bat izatea nahi dugulako, familian bezala, norbera zainduta, lagunduta eta baloratuta senti dadin. Animo erronka berrien aurrean!

Orriak