Gaztelera

Vielen Dank für die Reise nach Hamburg

Jadoko DBHko 3. mailako ikasleok gara, eta gutun hau idatzi dugu Hanburgon (Alemania) bizi izan dugun esperientzia kontatzeko, Erasmus+ programari esker hara joan baikara. Bidaia honek aukera eman digu mundua hemendik kanpo nolakoa den jakiteko eta gauza asko ikasteko.

Bost sari Erandioko Ipuin eta Bertsopaper Lehiaketan

Sormena eta irudimena erakutsi dute gure ikasleek Erandioko Udaleko Euskara Zerbitzuak antolatzen duen Ipuin, Narrazio eta Bertsopaper Lehiaketan. Jadoko bost ikasle dugu irabazle 2024ko edizioan: Lehen Hezkuntzako 6. mailako Kerman Berasategi eta Unai Sánchez, DBHko 1. mailako Markel Malaina eta DBHko 2. Mailako Mikel Portal eta Maitane Tejo. Zorionak guztioi!

1. eta 2. sariak Erandioko Bookbideo Lehiaketan

Ikus-entzunezko baliabideetarako gaitasuna, sormena eta irudimena erakutsi dute gure ikasleek Erandioko Udaleko Euskara Zerbitzuak antolatzen duen Bookbideo Lehiaketan. DBHko 3. mailako ikasleek 1. eta 2. sariak irabazi dituzte Jon Arretxeren Morto Vivace eleberriaren inguruko lanengatik. Lehen saria Emma Collantesek, Gaizka Goikoetxeak, Eneritz Sellanek eta Mikel Tecchik irabazi dute. Bigarrena Eukene Alonsok, Adaie Arriolak, Martina Cortadik, Maialen Paredesek eta June Urrizek jaso dute.

Zorionak!

Campus Iberica

Aurten ere Jadok Campus Iberican parte hartu du. DBH 4. mailako sei ikasle Larderora joan dira eta bertan elkartu dira Probintzia Iberikako beste hainbat ikastetxetako ikasleekin. Helburua ez da irabaztea izan buruturiko ekintzetan, baizik eta esperientzia polit bat elkarrekin bizitzea.

DBH 2rako asteburu ederra Oromiñon

Asteburuko plan bikaina. DBHko 2. mailako ikasleek Oromiñon bi egunez gozatzeko aukera izan dute. Bertan, paraje natural baten erdian, mota guztietako jolasak egin dituzte, baita mendi ibilaldiak ere. Esperientzia bikaina Durangaldeko txoko hau ezagutzeko eta elkarrekin bizitzen ikasteko.

Jado proiektua, STEAM Euskadi sarien finalera

Joan den ikasturtean, DBHko 3. mailako ikasleek garatutako STEAM "FEEL-THINK-DO" proiektua STEAM Euskadi sarietako finalisten artean hautatu dute.

Lehiaketa honetako epaimahaia Deustuko Unibertsitateko, EHUko, Berrikuntzaren Euskal Agentziako, Innobasqueko, berritzeguneetako eta lanbide-heziketako zentroetako ordezkariek osatzen dute.

Proiektuak STEAM Euskadi zigilua ere lortu du. Berori Eusko Jaurlaritzako Hezkuntza Sailak ematen du, "Euskadin STEAM hezkuntzarekiko konpromisoa aitortzeko".

Jado Ikastetxeko ikasleak FIRST LEGO League Euskadi 2024

DBHko 1. mailako 20 ikaslek (JADOMAKERS eta JADOELEKTRICS) parte hartu dute FIRST LEGO Leagueko (FLL) lehiaketa zirraragarrian, Donostiako Deustuko Unibertsitatearen egoitzan.

FIRST LEGO League (FLL) nazioarteko hezkuntza-programa bat da. 4 eta 16 urte bitarteko gazteen artean bokazio zientifiko-teknologikoak sustatzen ditu esperientzia praktiko eta dibertigarrietatik abiatuta. Mundu errealeko arazoak konpontzean datza etorkizun hobeago bat eraikitzen laguntzeko.

Ahozko komunikazioaren lanketa

Erandioko Udaleko Euskara Zerbitzuaren laguntzaz, Jadoko DBHko 4. mailako ikasleek Lokuzio eta Bikoizketa Tailerra egiten dute. Horrela, ohartzen dira jarduera honen garrantziaz zenbait arlo profesionaletan, publizitatean eta filmen bikoizketan, kasu. Halaber, mikrofono baten aurrean hitz egite hutsak gure ikasleei segurtasunez eta konfiantzaz mintzatzen laguntzen die, baita ahozko komunikazio-gaitasun bera hobetzen ere. Eta berau berebizikoa da, ezin baitugu ahaztu gure eguneroko komunikazio gehienak ahoz egiten ditugula.

Orriak