DBH

  • BERDINEN ARTEKO TUTORETZA (BAT)

    Hezkuntza-komunitate osoa inplikatzen duen bizikidetza-programa instituzionala, eskola-integrazioa hobetzera eta eskola inklusibo eta ez-bortitz baten alde lan egitera bideratua, berdinen arteko harremanak atseginagoak izan daitezen bultzatuta, ikastetxeko giroa eta kultura hobetzeko edo aldatzeko, bizikidetzari, gatazkari eta indarkeriari dagokionez (fisikoa, emozionala edo psikologikoa). Berdinen arteko tutoretza emozionalean oinarritzen da, non errespetua, enpatia eta konpromisoa baitira haiek ikastetxeetan garatzeko oinarrizko zutabeak. Bigarren Hezkuntzan, 3. mailako ikasleak 1. mailakoen tutore emozionalak dira.

     

  • HIZKUNTZEN TRATAMENDU INTEGRATUA (HTB)

    Curriculumaren eta metodologiaren garapenaren barruan, ahozko nahiz idatzizko adierazpena eta ulermena bultzatzen ditugu, ikastetxean lantzen diren hizkuntza guztietan. Ikasleak lau hizkuntzatan (euskara, gaztelania, ingelesa eta frantsesa) gai izan daitezen lan egiten dugu.

     

  • WU WEI PROIEKTUA

    Gure proiektu propioarekin prozesuak bultzatzen ditugu, eta bitartekoak ematen ditugu, hainbat dinamikaren bidez barnekotasuna, emozioak eta balioak landu ahal izateko; pertsonaren barrualdea lehenesten duen kultura berreskuratuz eta gogoeta egiteko, bereizteko, maitatzeko eta aukeratzeko askatasun pertsonalean eta elkartasun konprometituan, eta, hortik, bere buruarekin, ingurunearekin eta besteekin harremanak izateko.

     

  • 1X1 PROIEKTUA

    Eusko Jaurlaritzaren Sare Hezkuntza proiektuaren barruan, gaitasun digitala garatzen laguntzen du, gure eguneroko bizitzan ezinbesteko baliabide bihurtzeaz gain (Interneterako sarbidea eta hainbat programa eta aplikazio…), gure ikasleak etorkizuneko erronkei aurre egiteko prestatzen ditu.

     

  • ROBOTIKA ETA PROGRAMAZIOA

    Hezkuntza-robotika eta programazioa ikasleen ekimenean eta jabekuntzan oinarritutako ikaskuntza-ingurunetzat hartzen ditugu. Robotak sortu eta programatzetik askoz harago doa, pentsamendu logikoa, arazoen ebazpena eta talde-lana sustatzen baititu baliabide teknologikoen bidez.

    Oso motibagarria da ikasleentzat, eta ikasteko modu erakargarri eta berritzailea da, Zientzietako eta Teknologiako ezagutzak praktikan jarriz, STEAM kultura sustatuz.
     

  • NATIVE

    Ikasturte bakoitzean ingelesezko hiztunen laguntza izaten dugu, atzerriko hizkuntzan komunikatzeko gaitasuna garatzen laguntzeko, ahozko adierazpena indartuz eta motibatuz. Horrez gain, jatorrizko herrialdeetako esperientziak eta kultura ere ekartzen dituzte, eta oso saio motibagarriak izaten dira ikasleentzat.

     

  • IKASKUNTZA ETA ZERBITZUA (IkZ)

    Komunitateari zerbitzu bat emanez ikastea.

    Hezkuntza-jarduera horretan, ikasleek ikasten dute benetako beharren gainean jarduten duten bitartean, eta beren hurbileko ingurunean egoera bat identifikatzen dute. Egoera hori hobetzeko konpromisoa hartzen dute; horretarako, proiektu solidario bat garatzen dute, bizitzarako ezagutzak, balioak eta jarrera prosozialak jokoan jartzen dituena; eta ahalegin, erantzukizun eta konpromiso solidarioa sustatzen dituzte. Curriculumeko gaitasun guztiak sustatzen ditu, eta gizarte- eta herritar-gaitasuna eta norberaren ekimena eta autonomia azpimarratzen ditu.
     

  • IKASKUNTZA KOOPERATIBOA (IK)

    Ikaskuntza kooperatiboa talde-lanean oinarritzen den metodologia da, eta helburua ezagutza eraikitzea eta gaitasun eta trebetasun sozialak lortzea da. Eredu horren arabera, taldearen arrakasta kide bakoitzaren baliozko ekarpenarekin baino ezin da lortu, eta, beraz, guztiek beren ezagutza eta lana eskaini behar dituzte.
     

  • PROIEKTUETAN OINARRITUTAKO IKASKUNTZA (POI)

    Disziplina arteko metodologia berritzaile eta aktiboa, talde-lana sustatzen duena, errutinak eta pentsamendu-trebetasunak lantzen dituena, adimen anitzak garatzen dituena eta oinarrizko gaitasunen garapena bermatzen duena. Ikasleak dira beren ikaskuntza-prozesuaren protagonista, eta beren autonomia eta erantzukizuna garatzen dute. Pentsamendu kritikoa eta elkarlana garatzen ditu, arlo desberdinetan ikasitakoa bizitza errealeko egoeretan aplikatzen lagunduz, eta ikasgelako eta eskola-saioko oztopoak hautsiz.